کرزی: عاملین قتل رییس سره میاشت تخار به پنجه قانون سپرده شود 

حامد کرزی رئیس جمهور افغانستان، به مقامات مسوول دستور داده است تا عاملین قتل رئیس سره میاشت ولایت تخار را به پنجه قانون بسپارند.

مخدوم عبدالله رئیس سره میاشت تخار دیروز در حالی از سوی افراد مسلح به قتل رسید که پس از ادای نماز عید به سوی خانه اش در حرکت بود.

در اعلامیه ریاست جمهوری افغانستان گفته شده که مخدوم عبدالله یکی از قوماندانان جهادی به حساب میامد که در میان مردم محبوبیت داشت.